Rreth Kosovës



Pozita gjeografike është njëri prej elementeve kryesore, që i jep vendeve fuqi dhe nga ky rregull nuk bën përjashtim as Kosova. Me një shtrirje gjeografike në Evropën Juglindore dhe e vendosur në zemër të gadishullit ballkanik, rëndësia strategjike e pozicionit të Kosovës ka qenë e njohur përgjatë gjithë historisë, por ajo është rritur, në veçanti gjatë kohëve të fundit.


Vënia në qarkullim i autostradës së re dhe moderne që kalon nëpër Kosovë, duke i dhënë asaj qasje të lehtë dhe të shpejtë në Detin Adriatik, lidhjet e reja të kësaj autostrade me shtetet fqinje, respektivisht me korridorin e 10 dhe 8 janë dëshmia më e mirë dhe vlera e rëndësisë së pozicionit strategjik të Kosovës si dhe mundësive të reja që janë krijuar në vend.


Me gjithë se me një territor relativisht të vogël prej 10,887 Km2, por me histori, kulturë dhe traditë jashtëzakonisht të pasur, infrastrukturë moderne, atraksione të shumta turistike përgjatë gjithë stinëve, me mbi 250 ditë me diell në vit, popullatën më të re në Evropë, një shoqëri të hapur dhe me orientim e vlera pro-perëndimore, kuzhinë të veçantë, koston më të ulët për të jetuar në Evropë dhe në Ballkan, qasje dhe lidhje të mira me vendet tjera fqinje, Kosova mbetet një vend ideal për tu vizituar. Një veçanti tjetër gjeografike, që e dallon atë nga shumë vende janë edhe malet e larta që  i ndajnë  kufijtë e saj.


Në një artikull të publikuar në Qershor të vitit 2016, Revista me nam botëror, “National Geographic”, e kishte përfshirë Kosovën në mesin e dhjetë vendeve, që do të duhej të kishin më tepër turistë nga e gjithë bota.“…Kosova e pavarur është një prej aventurave më interesante të destinacioneve të udhëtimit”, kishte rekomanduar “National Geographic”. “…qytete piktoreske dhe manastire sublime”, e kishte vlerësuar udhërrëfyesi tjetër më i madh në botë i botimeve mbi turizmin Lonely Planet.

Statistika

1,825,632

BANORË

10,887 km²

SIPËRFAQJA

17.02.2008

PAVARSIA E KOSOVËS

Galeria e Kosovës

  • 1.1.jpeg
  • 2.3 Ovce na Šar planini.jpg
  • 4.3.jpg
  • 4.11.jpg
  • 4.16 Liqeni i Badovcit.jpg
  • 4.28 Ujevara e Radavcit.jpg

Na shkruani sygjerimet tuaja

Field is required Incorrect email
Field is required Incorrect email
Field is required Incorrect email
Field is required
Your message was sent successfully
Sorry, your message was not sent